unfoldingWord 25 - شيطان يجرب يسوع
Контур: Matthew 4:1-11; Mark 1:12-13; Luke 4:1-13
Номер на скрипта: 1225
език: Arabic (Sudanese Khartoum)
Публика: General
Предназначение: Evangelism; Teaching
Features: Bible Stories; Paraphrase Scripture
Статус: Approved
Сценариите са основни насоки за превод и запис на други езици. Те трябва да бъдат адаптирани, ако е необходимо, за да станат разбираеми и подходящи за всяка различна култура и език. Някои използвани термини и понятия може да се нуждаят от повече обяснения или дори да бъдат заменени или пропуснати напълно.
Текст на сценария
طوالى بعد ماعمدو يسوع الروح القدس قادو للبرية . يسوع كان هناك لاربعين ليل و اربعين نهار . فى خلال الزمن داك هو كان صايم والشيطان جاء ليسوع و جربو عشان يخطى .
اولا، الشيطان قال ليسوع: "لو انت ابن الله حول الحجار ديل لرغيف عشان تاكلو!"
لكن يسوع قال للشيطان: "مكتوب فى كلام الله ، الناس ما بس محتاجين لرغيف عشان يعيشوا، لكن محتاجين لاى حاجة البقولو الله ليهم!"
بعد داك الشيطان شال يسوع لمكان عالي فى الهيكل . قال ليهو: "لو انت ابن الله، نط للارض، لانو مكتوب، "الله حيامر ملايكتو يشيلوك عشان رجلك مايصدم الحجر" .
لكن يسوع ما عمل الحاجة الشيطان قال ليهو يعملو. بدلا ده ، قال: "الله قال لاي زول ، ما تجرب الرب الهك" .
بعد داك الشيطان ورى يسوع كل ممالك العالم . هو وراه كيف هم قويين وكمان كيف كانوا غنيانين . قال ليسوع: "انا بديك ده كلولو انت سجدت و عبدتنى" .
يسوع رد: "امشى مني يا شيطان ! الله امر شعبو فى كلتمو، اعبدو الرب الهكم وحده و اكرمو كاله بس".
يسوع ما استسلم لكل تجارب الشيطان ، عشان كده الشيطان خلاهو . بعد داك الملايكة جوا و اهتموا بيهو.