unfoldingWord 11 - Құтқарылу мейрамы
Uhlaka: Exodus 11:1-12:32
Inombolo Yeskripthi: 1211
Ulimi: Kazakh
Izilaleli: General
Inhloso: Evangelism; Teaching
Features: Bible Stories; Paraphrase Scripture
Isimo: Approved
Imibhalo ayiziqondiso eziyisisekelo zokuhunyushwa nokuqoshwa kwezinye izilimi. Kufanele zishintshwe njengoba kunesidingo ukuze ziqondakale futhi zihambisane nesiko nolimi oluhlukene. Amanye amagama nemiqondo esetshenzisiwe ingase idinge incazelo eyengeziwe noma ishintshwe noma ikhishwe ngokuphelele.
Umbhalo Weskripthi
Құдай Мұса мен һаронды перғауынның алдына қайта жіберіп, Исраил халқын жіберуін талап етті. Егер перғауын Исраил халқын жібермесе, онда Құдай мысырлықтардың тұңғыш ұлдары мен малдарының тұңғыш еркектерін өлтіретінін ескертті. Бірақ перғауын мұны естісе де Құдайға сенбей, Оған мойынсұнбады.
Мысыр елін ауыр жаза күтіп тұрды. Бірақ Құдай Исраил елінің тұңғыш ұлдарына құтқарылу жолын дайындап қойған еді. Әр отбасы мінсіз тоқтыны таңдап, оны құрбандыққа шалулары тиіс болатын.
Құдай исраилдіктерге сол тоқтының қанымен үйлерінің есік жақтаулары мен маңдайшаларын жақсын және тоқтының етін отқа қақтап, ашытқысыз пісірілген нанмен тезірек жесін деп бұйырды. Сонымен қатар Құдай оларға, ет пен нанды жегеннен кейін Мысырдан шығуға дайын болсын деп айтты.
Исраилдіктер Құдайдың айтқанын бұлжытпай орындады. Түн ортасында Құдай Мысыр елінен өтіп, әрбір тұңғыш ұлды өлтіріп тастады.
Исраилдіктердің үйлерінің есік жақтаулары мен маңдайшаларына қан жағылған еді, Құдай сол үйлердің қасынан өтіп кетеді. Осы үйлердің ішіндегі адамдар аман қалды. Олар тоқтының қаны арқылы құтқарылды.
Перғауын Құдайға сенгісі келмей Оған мойынсұнбады, сондықтан Құдай бүкіл Мысыр елін жазалады. Ол мысырлықтардың әрбір тұңғыш ұлдарын өлтірді.
Мысырлықтардың әрбір тұңғыш ұлдары: түрмеде отырған тұтқынның тұңғышынан бастап, перғауынның тұңғышына дейін өлді. Бүкіл мысыр еліндегі адамдар қайғыдан зар еңіреп жылады.
Сол түні перғауын Мұса мен Һаронды шақырып алып: “Бүкіл Исраил халқын жинаңдар да дереу Мысыр жерінен кетіңдер!” — деді. Мысырлықтар да исраилдіктердің дереу кетуін талап етті.