unfoldingWord 46 - شاول بقي مسيحي

كان هناك راجل اسمو شاول، ما مؤمن بيسوع. لمن هو كان شاب، كان حرس ملابس الرجال القتلوا استفانوس. بعد فترة، اضطهد المؤمنيين. هو مشي من بيت لبيت في اورشليم عشان يقبض الرجال و النسواين و يدخلهم السجن. عشان كده الكاهن الاعلي سمح ليهو انو يمشي لمدينة دمشق. قال لشاول انو يقبض المسيحيين الهناك و يرجعهم لاورشليم.

عشان كده شاول بدا يسافر لدمشق. بس قبل ما هو يصل المدينة، ضوء لامع من السماء ضوى حولو، و وقع علي الارض. شاول سمع زول بنادي "شاول! شاول! ليه بتضطهدني؟" شاول سال: "انت منو يا سيد؟" يسوع جاوب ليهو: انا يسوع. الانت بتضطهدو!"

لمن شاول قام فوق، ما كان بشوف. اصدقاهو قادهو لدمشق. شاول ما اكل وشرب اي حاجة لمدة تلاتة يوم.

ان هناك في تلميذ في دمشق اسمو حنانيا. الله قال ليهو: "امشي البيت الساكن فيهوشاول. خت يديك فوقوه عشان يقدر يشوف تاني" لكن حنانيا قال: يا سيد، انا سمعت كيف الراجل ده بضطهد المؤمنيين" الله جاوبو: امشي! انا اخترتو عشان يعلن اسمي لليهود و لناس من مجموعات تانية . حيتعب كتير عشان اسمي.

عشان كده حنانيا مشي لشاول، خت يدينوا عليهو، وقال، "يسوع، الظهر ليك في طريقك لي هنا. رسلني ليك عشان انو تشوف تاني. وكمان حتتملي بالروح القدوس " طوالي شاول قدر يشوف تاني و حنانيا عمدو. بعد داك شاول اكل وبقي قوي تاني.

طوالي، شاول بدا يبشر اليهود في دمشق. قال: " يسوع هو ابن الله!" اليهود استغربوا، لانو شاول كان بحاول يقتل المؤمنين وهسي امن بيسوع! شاول اتناقش مع اليهود. وضح انو يسوع هو المسيا.

بعد ايام كتيرة، اليهود خططوا عشان يقتلو شاول. رسلوا ناس عشان يراقبو في بوابة المدينة عشان يقتلو. لكن شاول سمع عن الخطة، اصحابوا ساعدوه عشان يهرب. بالليل نزلوه بالقفة من فوق سور المدينة. بعد ما شاول هرب من دمشق، استمر يبشرعن يسوع.

شاول مشي لاورشليم عشان يقابل الرسل، لكن كانوا خايفين منو. بعدو في مؤمن اسمه برنابا شال شاول للرسل. كلمهم انو كيف شاول بشر بشجاعة في دمشق. بعد داك الرسل قبلوا شاول.

بعض المؤمنين الهربوا من الاضطهاد في اورشليم مشوا لانطاكية وبشروا عن يسوع. معظم الناس في انطاكية كانوا ما يهود. لكن لاول مرة، ناس كتار منهم بقوا مؤمنين. شاول وبرنابا مشوا هناك عشان يعلموا الناس الجداد كتير عن يسوع و يقوا الكنيسة. كان في انطاكية لمن سمو المؤمنين بيسوع لاول مرة "مسيحيين".

في يوم من الايام، المسيحيين في انطاكية كانوا بصلوا و بصوموا. الروح القدس قال ليهم: "اعزلوا لي شاول وبرنابا عشان يعملوا الشغل الانا ناديتهم عشان يعملوا "بعد داك الكنيسة في انطاكية صلوا لشاول و برنابا وختوا اياديهم عليهم. بعد داك رسلوهم عشان يبشروا الاخبار سارة عن يسوع في محلات كتير، برنابا وشاول علموا ناس كتار في اماكن مختلف وناس كتار امنوا بيسوع.