unfoldingWord 49 - عهد الله الجديد

الملاك كلم مريم المراة الشابة، انو هي حتلدي ابن الله. هي كانت عذراء، لكن الروح القدس نزل عليها وبقاها حامل. ولدت ابن وسمته يسوع. عشان كده، يسوع هو الله وإنسان

يسوع عمل معجزات كتيرة البوري انو هو الله. بعداك هو مشى على الموية و وقف الرياح. شفى ناس عيانين كتار و طرد ارواح شريرة من تانين . قوم الناس الميتين للحياة، بقا خمسة رغيف واتنين سمك صغار لاكل كفاية يكفي لاطعام اكتر من ٥٠٠٠ ناس.

يسوع كمان كان معلم عظيم. اي حاجة علمو ، علمو صحيح. الناس لازم يعملو الحاجة القالو ليهم لا نو هو ابن الله. مثلا هو علم انو انت محتاج عشان تحب الناس التانين زي ما انت بتحب نفسك.

هو كمان علم انو انت محتاج عشان تحب الله اكتر من اي حاجة تانية. بيشمل حتي ممتلكاتك.

يسوع قال: انو احسن تكون في ملكوت الله من ما تكون عندك اي حاجة تانية في العالم. الله لازم يخلصك من خطاياك،عشان تدخل ملكوته.

يسوع قال: انو بعض الناس بيقبلوه. الله بيخلص الناس ديل. لكن، بعض الناس ما حيقبلوه. كمان قال: انو بعض الناس زي التربة الكويسة. لانو قبلوا الاخبار الكويسة عن يسوع والله خلصهم. لكن ناس تانين زي التربة الحجرية في الطريق. كلمة الله زي البذرة الوقعت في الطريق، لكن مافي اي حاجة قام هناك. الناس ديل رفضوا رسالة يسوع و رفضوا عشان يدخلوا في ملكوتو.

يسوع علم انوالله بحب الخطاة شديد. هو داير عشان يغفر ليهم و يبقيهم ابناءو.

يسوع كمان كلمنا ان الله بيكره الخطية. عشان ادم و حواء اخطوا، كلو نسلهم اخطوا كمان، اي زول في العالم اخطأ و هو بعيد من الله. كل زول هو عدو لله.

لكن الله حب كل واحد في العالم بالطريقة دي: هو ادي ابنه الوحيد عشان ما يعاقب الناس البيؤمن بيهو . بدل ده، حيحيوا معاه للابد.

انتو بستحقوا عشان تموتوا، لانو انتو اخطاتوا. من حق الله انو يغضب منكم، لكن هو كان غضب من يسوع، بدلكم. هو عاقب يسوع بقتله علي الصليب.

يسوع ما اخطأ ابدا، لكن هو سمح الله يعاقبه و قبل عشان يموت. بالطريقة دي، هو كان الذبيحة الكاملة عشان يشيل خطاياك و خطية اي زول في العالم. يسوع قدم نفسو ذبيحة لله، عشان كده الله غفر كل خطية حتي الخطايا الصعبة.

حتي لو عملت حاجات كتيرة كويسة، ده ما بخلي الله يخلصك. مافي اي حاجة بتعملو عشان تكون صديق ليهو. بدل ده انت لازم تؤمن انو يسوع هو ابن الله، المات علي الصليب بدلك. والله قومو للحياة تاني. انت لو امنت بده الله حيغفر خطاياك.

لله حيخلص اي زول البيؤمن بيسوع و بيقبلوا كسيد . لكن ما بخلص الما بيؤمن بيهو. ما مهم انك غنيان او فقير، راجل او مراة، صغير او كبير، او بتسكن وين. الله بحبك و دايرك تؤمن بيسوع عشان يكون صديق ليك.

يسوع بناديك عشان تؤمن بيهو و تتعمد. هل انت بتؤمن انو يسوع هو المسيا ابن الله الوحيد؟ هل انت بتؤمن انوانت خاطي و بتستحق الله يعاقبك؟ هل انت بتؤمن انو يسوع مات علي الصليب عشان يشيل خطاياك؟

لو انت بتؤمن بيسوع والحاجة العملو ليك، انت مسيحي! شيطان ما بيقدر يسيطر عليك في مملكة الظلام حقو. الله هسي مسيطر عليك في مملكة النور حقو. الله وقفك من الخطية، زي ما انت بتعملو. هو اداك طريق الجديد الصح للحياة

لو انت مسيحي، الله غفر خطاياك عشان الحاجة العملو يسوع. هسي، الله بيعتبرك تكون اقرب صديق بدل عدو.

لو انت صديق الله وخادم يسوع السيد، انت حتريد عشان تطيع الحاجة يسوع بعلمك. حتي لو انت مسيحي، الشيطان لسه حيجربك عشان تخطأ. لكن الله دائما بيعمل الحاجة الهو بيقولو. هو قال انو لو اعترفت بخطاياك، هو بيغفر ليك. هو بديك القوة عشان تحارب الخطية.

لله بقول ليك تصلي و تدرس كلمتو. كمان بقول ليك تعبدوه سوا مع المسيحيين التانين. انت كمان لازم توري ناس تانين عن الحاجة العملو ليك. لو انت عملت كل الحاجات ديل، انت بتكون اقوي صديق ليهو.