unfoldingWord 06 - परमेसवर इसहाक बर तियारी करथे
Obrys: Genesis 24:1-25:26
Číslo skriptu: 1206
Jazyk: Surgujia
publikum: General
Účel: Evangelism; Teaching
Features: Bible Stories; Paraphrase Scripture
Postavenie: Approved
Skripty sú základnými usmerneniami pre preklad a nahrávanie do iných jazykov. Mali by byť podľa potreby prispôsobené, aby boli zrozumiteľné a relevantné pre každú odlišnú kultúru a jazyk. Niektoré použité termíny a koncepty môžu vyžadovať podrobnejšie vysvetlenie alebo môžu byť dokonca nahradené alebo úplne vynechané.
Text skriptu
अबराहम हर ढ़ेरेच बुढूवा होए गए रहीस अऊ इसहाक जवान होए गये रहीस, ओकरे ले अबराहम हर सेवक में ले एकठे सेवक ला अपन जाएत सागा जग भेजीस। ताकी ओहर अपन लईका इसहाक बर एकठे परानी लाने।
जबर तान रेंगीस तेकर पाछू परमेसवर हर ओ सेवक ला अबराहम कर जाएत सागा कर मांझारे में रिबिकाह जग पहुँचाईस। ओ रिबिकाह हर अबराहम कर बड़खा ददा कर नतनीन रहीस।
रिबिकाह हर अपन घराना कर आदमी मन ला छोएडके ओ सेवक कर संगे इसहाक कर घरे जाएबर सपेर गईस। जइसने ओ रिबिकाह हर पहुँचीस इसहाक हर रिबिकाह जग बिहाव कएर लेहिस।
ढ़ेरेच बछर बीत गईस तेकर अबराहम हर मर गईस अऊ सब बात जबान जेला परमेसवर हर अबराहम जग करे रहीस, ओहर इसहाक कर होए गईस। परमेसवर हर अबराहम ला कहे रहीस की ओकर खान दान हर ढ़ेरे अकन होहीं। लेकिन इसहाक कर परानी रिबिकाह कर एकोठे लईका छऊआ नई रहीस।
इसहाक हर रिबिकाह बर दुआ करीस अऊ रिबिकाह हर आसापति होए गईस। परमेसवर हर रिबिकाह ला जावां लईका देहीस। ए दुनो लईका रिबिकाह कर पेट में झगरा बाझत रहीन, अऊ रिबिकाह हर परमेसवर जग पूछिस की एहर का होअथे।
परमेसवर हर रिबिकाह जग कहीस तोर दूईगोठ लईका ले दूईगोठ जाती आहीं। ओमन दुनो झे अपने अपन में लड़ही अऊ बड़खा बेटा हर छोटे कर सेवा करही।
जे घरी रिबिकाह लईका मन ला जनम देहीस ते घरी बड़खा बेटा लाल अऊ रांवादार रहीस अऊ ओकर नाव एसाव धरीस। तेकर छोटे बेटा हर बड़खा बेटा कर एडी ला धएरके बहरी निकलीस अऊ ओकर नाव याकूब धरीस।