unfoldingWord 36 - ການຊົງປ່ຽນພຣະລັກສະນະ
Esquema: Matthew 17:1-9; Mark 9:2-8; Luke 9:28-36
Número de guió: 1236
Llenguatge: Lao
Públic: General
Propòsit: Evangelism; Teaching
Features: Bible Stories; Paraphrase Scripture
Estat: Approved
Els scripts són pautes bàsiques per a la traducció i l'enregistrament a altres idiomes. S'han d'adaptar segons sigui necessari perquè siguin comprensibles i rellevants per a cada cultura i llengua diferents. Alguns termes i conceptes utilitzats poden necessitar més explicació o fins i tot substituir-se o ometre completament.
Text del guió
ວັນໜຶ່ງພຣະເຢຊູໄດ້ພາສາວົກສາມຄົນໄປນໍາຄື: ເປໂຕ, ຢາໂກໂບ ແລະ ໂຢຮັນ ( ໂຢຮັນຜູ້ນີ້ບໍ່ແມ່ນຜູ້ດຽວກັນກັບຜູ້ທີ່ຮັບປັບຕິດສະມາໃຫ້ພຣະເຢຊູ). ພວກເຂົາຂຶ້ນໄປເທິງພູສູງໜ່ວຍໜຶ່ງເພື່ອອະທິຖານ.
ໃນຂະນະທີ່ພຣະເຢຊູອະທິຖານຢູ່ນັ້ນ ໃບໜ້າຂອງພຣະອົງກໍປະກົດມີແສງສະຫວ່າງຄ້າຍຄືດວງຕາເວັນ ແລະ ເສຶ້ອຜ້າຂອງພຣະອົງກໍຂາວສະຫວ່າງທີ່ສຸດໃນໂລກທີ່ບໍ່ມີມະນຸດຄົນໃດສາມາດເຮັດໄດ້.
ແລ້ວໂມເຊ ແລະ ຜູ້ປະກາດພະຄຳເອລິຢາກໍມາປະກົດຢູ່ທີ່ນັ້ນ. ພວກເພິ່ນແມ່ນຜູ້ທີ່ອາໄສຢູ່ໂລກນີ້ຮ້ອຍປີກ່ອນ. ພວກເພິ່ນໄດ້ໂອ້ລົມກັບພຣະເຢຊູເຖິງການຕາຍຂອງພຣະອົງ, ຄືສິ່ງທີ່ຈະເກີດຂຶ້ນກັບພຣະອົງໃນໄວໆນີ້ທີ່ເຢຣູຊາເລັມ.
ໃນຂະນະທີ່ໂມເຊ ແລະ ເອລິຢາກໍາລັງລົມກັບພຣະເຢຊູຢູ່ນັ້ນ, ເປໂຕເວົ້າກັບພຣະເຢຊູວ່າ: “ພວກຂ້ານ້ອຍໂຊກດີຫຼາຍທີ່ໄດ້ຢູທີ່ນີ້. ຂໍໃຫ້ພວກຂ້ານ້ອຍໄດ້ປຸກຕູບສາມຫຼັງໃຫ້ພຣະອົງໜຶ່ງຫຼັງ, ໂມເຊຫຼັງໜຶ່ງ, ເອລິຢາໜຶ່ງຫຼັງ”. ເປໂຕບໍ່ຮູ້ໂຕເລີຍວ່າໂຕເອງເວົ້າຫຍັງໄປ.
ໃນເວລາທີ່ເປໂຕກໍາລັງເວົ້າຢູ່ນັ້ນ, ໄດ້ມີຂີ້ເຟື້ອປະກົດລົງມາພ້ອມແສງສະຫວ່າງ ແລະ ມີສຽງເວົ້າອອກມາຈາກຂີ້ເຟື້ອວ່າ: “ນີ້ແມ່ນລູກຊາຍສຸດທີ່ຮັກຂອງເຮົາ. ເຮົາພໍໃຈໃນລາວຫຼາຍ. ຈົ່ງເຊື່ອຟັງເພິ່ນ.” ສາວົກທັງສາມຄົນຢ້ານຫຼາຍຈົນລົ້ມລົງກັບພື້ນ.
ຫຼັງຈາກນັ້ນພຣະເຢຊູໄດ້ສໍາພັດໂຕເຂົາ ແລະ ບອກວ່າ: ຢ່າຢ້ານເລີຍ, ລຸກຂຶ້ນສະ. ເມື່ອສາວົກທັງສາມແນມເບິ່ງໄປອ້ອມໆກໍເຫັນແຕ່ພຣະເຢຊູເທົ່ານັ້ນ.
ແລ້ວພຣະເຢຊູ ແລະ ສາວົກທັງສາມກໍລົງມາຈາກພູເຂົາ. ພຣະເຢຊູບອກເຂົາວ່າ: “ ຢ່າບອກສິ່ງທີ່ພວກເຈົ້າໄດ້ເຫັນໃຫ້ໃຜຮູ້ເທື່ອ ເພາະເຮົາຈະຕາຍໃນໄວໆນີ້ ແລະ ຟື້ນຄືນມາສູ່ຊີວິດອີກຄັ້ງ, ຫຼັງຈາກນັ້ນພວກເຈົ້າຈົ່ງບອກເລື່ອງເຫຼົ່ານັ້ນແກ່ປະຊາຊົນໃຫ້ຮັບຮູ້.